सुळे ही ग्रामपंचायत नाशिक जिल्ह्यातील कळवण पंचायत समिती अंतर्गत येते. हे आदिवासी क्षेत्र असून गावकऱ्यांचा मुख्य व्यवसाय शेती आहे. ग्रामपंचायतीत विविध विकासात्मक उपक्रम सातत्याने राबविले जातात. ग्रामसभेचे आयोजन नियमित केले जाते व ग्रामस्थांचा सहभाग सक्रिय असतो. जलजीवन मिशन, स्वच्छ भारत अभियान, जलसंधारण व वृक्षलागवड यांसारखे उपक्रम प्राधान्याने राबवले जातात. शासकीय योजनांचा लाभ प्रभावीपणे पोहोचावा यासाठी ई-गव्हर्नन्स, ऑनलाइन दाखले व तक्रार नोंदणी सुविधा उपलब्ध आहेत. रस्ते, पाणीपुरवठा, स्ट्रीटलाईट, शाळा-अंगणवाडी सुधारणा तसेच महिला स्वयं-सहाय्यता गट व युवकांच्या कौशल्यविकासाला विशेष प्रोत्साहन दिले जाते.
सुळे गावाच्या उत्तरेला एक प्राचीन शिवलिंग व सिध्देश्वर महारांजाचे मंदिर आहे. हिच एक प्रसिध्द ओळख या गावची मानली जाते.
या गावच्या ग्रामपंचायतीची स्थापना १९८४ साली झाली असुन लखाणी आणि सुळे मिळुन ग्रुप ग्रामपंचायत कार्यरत आहे. सुळे गावच्या सिध्देश्वर मंदिराच्याच नावावरुन या गावातील व परिसरातील मुला-मुलींच्या माध्यमिक शिक्षणासाठी डांग सेवा मंडळाचे ‘ सिद्धेश्वर माध्यमिक आश्रम शाळा ‘ कार्यरत आहे.सिध्देश्वर मंदिरात वर्षाभरातुन दोन वेळा यात्रोत्सव असतो. एक म्हणजे महाशिवरात्री आणि दुसऱयांदा म्हणजे होळीला या दोन दिवशी सिध्देश्वर या ठिकाणी मोठ्या संख्येने भाविक येत असतात.या मंदिराला भेट देण्यासाठी कळवण पासुन अभोणा,कनाशी,जयदर,सुळे,सिध्देश्वर असा प्रवास मार्ग आहे.सुळे गावात आदिवासींच्या संख्येत कोकणा व भिल्ल जमातीचे लोक रहीवास करीत आहेत.सुळे गावामध्दे आज सद्दस्थितीला शैक्षणिक, वैद्यकीय,व मुलभुत सुविधांचा विकास झालेला आहे.सुळे गावात पारंपारीक सण ‘डोंगऱ्यादेव’ हा सण साजरा केला जातो. हा उत्सव साजरा करण्यामागचा मुख्य उद्देश म्हणजेच गावात सुख: शांती नांदावी हा आहे.डोंगऱ्यादेव या धार्मिक सणाला अतिशय महत्व प्राप्त झाले आहे.हे धार्मिक व्रत प्रामुख्याने कोकणा, भिल्ल, कोळी, पावरा, मावची आदि जातीचे लोक करतात.डोंगर्‍यादेवाचे हे व्रत सामुदायिकपने पारपाडतात.साधरणपने १५ दिवसचालणारे हे व्रत आदिवासी अलिकडच्या काळात ८ दिवस पाळतात.